*أسامه بيكلو*
*زول بي خشمو اتفجر محنا*
*انطبق عليه المثل البقول سمح الغنا في خشم سيدو*
*فهو عازف قفز الي كوكبنا من كوكبا آخر فنان مطبوع لن يتكرر في سودان ماقبل الآلام*
* *عندما تزين اسماعك بحفل يعزف فيه بيكلو* *تكون قد حضرت حفل فيهو مغنيين اتنين اسامه والفنان التاني لانو اسامه بيكون اساسي اكتر من* *فنان الحفل الرئيسي يحلق بك عبر الكواكب ليدعوا الإنس والجن* *للاستماع والاستمتاع في آن واحد وينام الكوكب ذلك المساء على مخدات الطرب وشجون الغنا*
*فهو بهي الطلعه وسيم اللحن نستحضر معه كل ما تختزنه الزاكره ليصبح سنترا لكل ما هو جميل تحت مظلة الحب والغرام ويبقي اوسم واجمل ويبقي عزفو هو الكلام.*
*ثنائيته مع ود اللمين جائت من نهرا للإبداع اغتسلو منه هم الاثنين وخرجو للناس في سفر الأساطير حتي جلسوا مع ابو الحاج ورنة الصفارة التي يتزكرها كل زول معجون بالسوداناويه الفنيه وكان الذي كان من ذلكم الجذب والغرق في بحور ود اللمين وعبقريه اسامه بيكلو*
*سألته ذات مره بالأبيض وهو والأستاذ الباش كاتب ضيوفا لدينا بالأبيض ماذا يعني ود اللمين لك*
*قال لي بصدق انه ابي فتلجمت*
*وغنيت برار العبوس دار الكمال* *ونقاص يا حليل ابوي اللي العلوم دراس*
*تبكيك الجوامع الانبنت ضانقيل*
*والباقي تمو دموع أيها الشعب العظيم*
*انا لله وانا اليه راجعون*
*اسماعيل جمباكا*
